Պարզվում են երիտասարդ աղջկա մահվան հանգամանքները
ՀՀ քննչական կոմիտեի Երեւանի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ 1995թ. ծնված աղջկա մահվան դեպքի առթիվ։ 2015թ. հունիսի 26-ին՝ ժամը 13։20-ին, «Շտապբուժօգնություն» ՓԲԸ-ից ՀՀ ոստիկանության Երևան քաղաքի վարչության Կենտրոնական բաժնի հերթապահ մաս ահազանգ է ստացվել, որ Երևան քաղաքի Սարյան փողոցի 38 շենքի դիմաց կա երիտասարդ աղջկա դի: Դեպքի վայր է մեկնել քննչական-օպերատիվ խումբը։Պարզվել է մահացածի ինքնությունը, ով Երևան Երևան քաղաքի բնակչուհի է՝ ծնված 1995թ. դեկտեմբերի 26-ին: Նախնական տվյալներով՝ երիտասարդ աղջիկը նետվել է բնակելի շենքի 13-րդ հարկից. Նշված հարկում հայտնաբերվել է նրա պայուսակը։ Դեպքի առթիվ ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը)։ Կատարվում է նախաքննություն: ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժին
