A
A
Ցմահ ազատազրկվածը դադարեցրել է հացադուլը
Ցմահ ազատազրկման դատապարտված Ստեփան Գրիգորյանը երեկ դադարեցրել է հունիսի 2-ից սկսած իր հացադուլը։ Սակայն դադարեցնելու պատճառների մասին, ինչպես նշեց Արդարադատության նախարարության քրեակատարողական վարչության հանրային կապերի բաժնի պետ Գոռ Ղլեչյանը, դեռ ոչինչ չի հայտնել։ Հիշեցնենք, որ ցմահ ազատազրկման դատապարտվածի հացադուլ հայտարարելու պատճառն այն էր, որ «Նուբարաշեն» ՔԿՀ-ի վարչական հանձնաժողովը պայմանական վաղաժամկետ ազատման հարցի քննարկումը հետաձգել էր մեկ տարով։ Ստեփան Գրիգորյանը հայտարարել էր անժամկետ հացադուլ եւ խնդրի առնչությամբ դիմել Սերժ Սարգսյանին։
