A
A
Վահե Էնֆիաջյանի հայտարարությունը Արտակ Խաչատրյանի գործի վերաբերյալ
Բարգավաճ Հայաստան կուսակցության քաղաքական խորհրդի անդամ, քաղաքացիական ակտիվիստ Արտակ Խաչատրյանի գործի քննության վերաբերյալ պաշտոնական գրությամբ դիմել էի ՀՀ Քննչական կոմիտեի նախագահ Աղվան Հովսեփյանին: Մասնավորապես, հետաքրքրվել էի, թե ի՞նչ փուլում է գտնվում քննության գործընթացը, ականատեսների վկայություններից և փողոցի տեսախցիկի տեսագրության ուսումնասիրությունից գործի վերաբերյալ բացահայտումներ եղե՞լ են, թե՞ ոչ: Քննչական կոմիտեի նախագահ Աղվան Հովսեփյանը պատասխան գրության մեջ տեղեկացրեց, որ գործի քննությունը շարունակվում է, փողոցը նկարահանող տեսախցիկն առգրավվել է և այժմ ուսումնասիրվում է: Ուսումնասիրվում են նաև դեպքի վերաբերյալ այլ նյութեր ևս: Մենք համբերատար հետևելու ենք գործի քննության ընթացքին: Վ. Էնֆիաջյան, ԱԺ պատգամավոր
