«Ես այլևս Վալերի Պերմյակովի փաստաբանը չեմ». ինչու փաստաբանը հրաժարվեց (տեսանյութ)
«Ես այլևս Վալերի Պերմյակովի փաստաբանը չեմ». այս հայտարարությամբ հունվարի 16-ին հանդես է եկել ՀՀ փաստաբանների պալատի անդամ, փաստաբան Թամարա Յայլոյանը: Նա նշել է, որ դեպքից հետո հունվարի 13-ի լուսաբացին է ստանձնել 6 գյումրեցու սպանության մեջ մեղադրվող ՌԴ քաղաքացի Վալերի Պերմյակովի պաշտպանությունը: Այդ պահին Պերմյակովը չի ունեցել փաստաբան, իսկ ռուսական կողմը անհրաժեշտություն է ունեցել թղթաբանական գործողություններն ավարտելու: Նախաքննական ցուցմունքի սկզբնական հատվածում Թամարա Յայլոյանը ներկա է գտնվել, լսել, թե Պերմյակովը ինչպես է հասել Ավետիսյանների տուն, ինչպես է մտել ներս: Աղմուկ է լսել և սկսել է կրակել: Նախաքննական ցուցմունք տալու ընթացքում, երբ Պերմյակովը հասել է երեխայի սպանությանը, փաստաբանը չի կարողացել զսպել հուզմունքը: Դուրս է եկել սենյակից: Թամարա Յայլոյանը նշում է, որ հուզական վիճակը հնարավորություն չի տվել շարունակել սկսած գործը: Փաստաբանական գործունեությունից հրաժարվելու այլ պատճառ չկա,-հայտարարել է նա: «Ցայգ» ՀԸ տեսանյութը՝ ստորեւ
