Խտրականություն սփյուռքահայերի նկատմա՞մբ (տեսանյութ)
«Սփյուռքահայ ուսանողների ներկայիս խնդիրն ուսման վարձերի բարձ լինելն է, նրանք ավելի շատ են վճարում, քան տեղացի ուսանողները»,-այսօր այս մասին հայտարարեց «Սփյուռքահայ ուսանողների խորհուրդ (ՈՒՀԿ)»-ի նախագահ Սամվել Մկոյանը։Բանախոսն ընդգծեց, որ նման վերաբերմունքը տպավորություն է ստեղծում, որ մեր սփյուռքահայ հայրենակիցները Հայաստանի համար օտար են. «Վճարում են երեսուն և հիսուն տոկոս ավելի, դա լուրջ խնդիր։ Եթե սփյուռքի բաժնով են ընդունվում, ապա վարձերն ավելի բարձր են, իսկ ընդունելությունը՝ հեշտ: Եթե ուսանողն ԱՊՀ տարածքից է, երեսուն տոկոս ավելի է վճարում, եթե այլ տարածքներից՝ հիսուն տոկոս»,- ներկայացրեց նա: Սամվել Մկոյանը նշեց, որ սփյուռքահայ ուսանողները կարող են ընդունելությանը մասնակցել ինչպես տեղացիները. «Բայց այստեղ հարց է առաջանում՝ արդյո՞ք արտերկրում հայկական դպրոց հաճախած երիտասարդը կարող է տեղացու նման նույն մակարդակով հանձնել, օրինակ ՝ հայոց պատմություն կամ հայոց լեզու առարկաները»։ Այս պահին Հայաստանում սովորում է 4299 ուսանող, որոնց 15 տոկոսը սիրիահայ է։ Սփյուռքահայ ուսանողների ընդունելությունը կմեկնարկի հուլիսի 7-ից, դեռևս հայտնի չէ, թե այս տարի որքան ուսանող կգա Հայաստան սովորելու: Նախորդ տարվա տվյալներով՝ 2010-11թթ-ին մոտ 3400 սփյուռքահայ ուսանող էր սովորում Հայաստանում, երեք տարվա ընթացքում հազար ուսանող ավելացել է:
