300 հաշմանդամություն ունեցող անձ աշխատանք ունի (տեսանյութ)
Ասեղնագործություն, համակարգչային գիտելիքներ, կազմարարական աշխատանքներ, փորագրություն, դիզայն. այս բոլոր մասնագիտություններին արդեն տիրապետում են հաշմանդամություն ունեցող անձինք, ովքեր իրենց աշխատանքները ներկայացրին այսօրվա ցուցահանդեսում։ Ցուցահանդեսի նպատակն է հանրության ուշադրությունը սևեռել հաշմանդամների ցուցահանդեսին՝ մասնավորապես նրանց աշխատանքներին և կարողություններին։ Ցուցահանդեսի մասնակիցները մասնագիտություններին սկսել են տիրապետել «Փյունիկ» միության «Հաշմանդամություն ունեցող անձանց ոչ ֆորմալ մասնագիտական կրթության խթանում՝ նրանց ինքնահաստատման և անկախության ձեռքբերման նպատակով» ծրագրի շրջանակներում, որի մեկնարկը տրվել է 2012 թվականին։ «Save the Children» (LIFE) ծրագրի ղեկավար Ջինա Սարգիզովան ընդգծեց. «Մոտ 300 երիտասարդ արդեն աշխատանքի է տեղավորվել, և մենք ակնկալում ենք ևս 100 –ի տեղավորումը մեր սոցիալական ձեռնարկությունների շրջանում»։ Ցուցահանդեսի մասնակիցներին տրվեցին ավարտական վկայականներ։
