Դավիթ Հարությունյանը նոր կառավարությունո՞ւմ (տեսանյութ)
ԱԺ ՀՀԿ խմբակցության պատգամավոր Դավիթ Հարությունյանի համար անակնկալ չէր, որ 13-րդ վարչապետ դարձավ Հովիկ Աբրահամյանը. «Հաշվի առնելով այն աշխատանքային փորձը, որ նա ձեռք է բերել նաեւ Ազգային ժողովում, համարում եմ, որ կուսակցությունը ճիշտ ընտրություն կատարեց»։ Ա1+-ի այն հարցին, թե ըստ նրա Հովիկ Աբրահամյանը ավելի լա՞վ կաշխատի, քան Տիգրան Սարգսյանը, պատգամավորը պատասխանեց. «Ավելի լավը ցույց է տալիս կյանքը։ Յուրաքանչյուր ժամանակաշրջան ունի յուրահատուկ խնդիրներ եւ կարծում եմ ,այսօր այն մարտահրավերները , որ առկա են մեր երկրի առջեւ, թերեւս լավագույնը կարող է լուծել Հովիկ Աբրահամյանի գլխավորած կառավարությունը»։ Լուրեր են շրջանառվում, որ Դավիթ Հարությունյանը նոր կառավարությունում կարող է դառնալ արդարադատության նախարար։ Թե ինչ պատասխանեց արդարադատության նախկի նախարար Դավիթ Հարությունյանը այս հարցին՝դիտեք տեսանյութում։
Y