Ինչ է լինելու 33 թաղամասի բնակիչների հետ (տեսանյութ)
33 թաղամասի բնակիչները հստակ պատասխան են պահանջում վարչապետ Տիգրան Սարգսյանից։ Պետական կարիքների համար իրենց տներն ազատած քաղաքացիները ուզում են իմանալ՝ երբ է պատրաստ լինելու շենքը, որը պետք է շահագործման հանձնվեր նրանց նախկին տների տեղում դեռեւս 3 տարի առաջ։ «Արդեն 2014 թ. է, բայց երկու փոս են փորել, իսկ այդ փոսերի մեջ աղբ եւ ինչ- որ ծառեր են աճել արդեն։ Մարդկանց թողել են փողոցում»,- այսօր Կառավարության շենքի մոտ բողոքում էր թաղամասի նախկին բնակիչ Արփիկ Ստեփանյանը։ Թաղամասի բնակիչների մի մասը համաձայնվել էր բնակարան ստանալ Գինու- կոնյակի գործարանի հարեւանությամբ կառուցվող բարձրահարկ շենքում։ Սակայն նրանք էլ մինչ օրս անտանիք են։ «Անպատասխանատվություն, անորոշություն, ոչ մեկ չի մտածում մեր մասին, բայց մենք պետության օրենքի ձեռքով ենք հայտնվել այս իրավիճակում»,- ասում է Թամարա Հակոբյանը։ Մանրամասները՝ տեսանյութում
