A
A
Խաղաղ մեկնարկ
Հոլանդական Վեյք ան Զեե քաղաքում մեկնարկած Տատա Ստել շախմատի տոնահանդեսի առաջին տուրում Լեւոն Արոնյանը սեւ խաղաքարերով ոչ-ոքի խաղաց հնդիկ գրոսմայստեր Պենտալա Հարիկրիշնայի հետ: Պարտիայի սկզբում սպիտակները դիրքային առավելություն ստացան եւ փորձեցին այն վերածել նյութականի: Սակայն Լեւոն Արոնյանը վստահ պաշտպանվեց եւ արդեն 30-րդ քայլին Պենտալա Հարիկրիշնային ստիպեց խաղաղ դաշն կնքել: Վաղը մեր շախմատիստը սպիտակներով կմրցի իտալացի Ֆաբիանո Կարուանայի հետ, որն այսօր ծանր մրցախաղ անցկացրեց փորձառու Բորիս Գելֆանդի հետ եւ հաղթեց։
