ՀՖՖ-ն հայտարարում է, բայց չի պարզաբանում
«Գեորգի Հաջին՝ անկախ իր եւ ոմանց ցանկություններից եւ երազանքներից, հասկանալի պատճառներով որեւէ կերպ եւ որեւէ պարագայում երբեւէ չի կարող գլխավորել Հայաստանի ազգային հավաքականը», - նման հայտարարությամբ այսօր հանդես է եկել Հայաստանի ֆուտբոլի ֆեդերացիան:
ՀՖՖ-ն միաժամանակ հիշեցնում է, որ ֆեդերացիան որեւէ անհատի՝ ոչ Հայաստանում, ոչ արտերկրում, չի լիազորել ՀՖՖ անունից մարզիչ գտնել Հայաստանի հավաքականի համար, բանակցել մարզիչների հետ եւ այլն:
Բանն այն է, ռումինական լրատվամիջոցներից մեկը Հայաստանի հավաքականի գլխավոր մարզչի թեկնածու է հայտարարել Գեորգի Հաջիին: Այդ լուրը հետագայում տարածվել է Հայաստանում: ՀՖՖ-ն կարծում է, որ դա լրատվամիջոցների կողմից ընթերցող գրավելու ոչ ազնիվ մղում է:
Սակայն ֆեդերացիան չի պարզաբանում, թե Գեորգի Հաջին ինչու որեւէ կերպ եւ որեւէ պարագայում երբեւէ չի կարող գլխավորել Հայաստանի ազգային հավաքականը:
