«Փյունիկը» չկարողացավ հաղթել
Այսօր ավարտվեց Հայաստանի ֆուտբոլի բարձրագույն խմբի 9-րդ տուրը:
Երեւանի «Փյունիկը» սեփական հարկի տակ չկարողացավ հաղթել Կապանի «Գանձասարին»` 2:2:
Իսկ ահա Երեւանի «Ուլիսն» առաջին հաղթանակը տարավ այս մրցաշարջանում` «Հանրապետական» մարզադաշտում առավելության հասնելով Երեւանի «Բանանցի» նկատմամբ` 1:0
Մինչ այդ Երեւանի «Միկան» սեփական դաշտում առաջին պարտությունը կրեց այս առաջնությունում` զիջելով Երեւանի «Արարատին»` 0:1, իսկ Գյումրիի «Շիրակը» իր հարկի տակ ջախջախեց Մարտունիի «Ալաշկերտին»` 5:2:
Առաջնության աղյուսակը վստահ գլխավորում է «Արարատը», որը 8 խաղում վաստակել է 17 միավոր: Ապա հաջորդում են «Փյունիկը»` 13 միավոր, «Գանձասարը» եւ «Շիրակը»` 12-ական:
Հաջորդ, 10-րդ տուրը, տեղի կունենա հոկտեմբերի 27-ին: Մինչ այդ, հոկտեմբերի 23-ին, կկայանան Հայաստանի գավաթի խաղարկության քառորդ եզրափակիչ փուլի առաջին երկու պատասխան հանդիպումները:
