ՀՖՖ-ն խնդրանքով դիմել է երկրպագուներին
Հայաստանի ֆուտբոլի ֆեդերացիան այսօր կայանալիք Հայաստան - Բուլղարիա ընտրական խաղին «Հանրապետական» մարզադաշտի մուտքերի մոտ մարզասերների կուտակումներ թույլ չտալու նպատակով բոլոր երկրպագուներին խնդրել է մարզադաշտ ներկայանալ հանդիպման սկզբից 2 ժամ շուտ` ժամը 17:00-ին:
ՀՖՖ-ն միաժամանակ խնդրում է մարզադաշտ չբերել արգելված իրեր` անվտանգությանծառայությունների աշխատանքների արդյունքում ավելորդ կուտակումներ չստեղծելու համար:
Ահա արգելված իրերի ցանկը.
Զենք
Ճայթռուկներ
Ծակող, կտրող, հրավառվող իրեր
Պրոֆեսիոնալ վիդեո, աուդիո, ֆոտո սարքավորումներ
Կենդանիներ
Գնդակներ
Փայտյա եւ մետաղյա դրոշակաձողեր
Ալկոհոլային խմիչք
Ամեն տեսակի շշեր եւ տարաներ
Պաստառներ, դրոշներ` վիրավորական կամ ռասիստական գրություններով
Վուվուզելաներ
Շեփորներ
Լազերային լույսեր եւ ցուցիչներ
Հավելենք, որ այսօրվա խաղին պատրաստվում է այցելել Սերժ Սարգսյանը, որի պատճառով ավելի կուժեղացվեն անվտանգության միջոցառումները:
