A
A
Սպորտային մարմնամարզություն Բելգիայում
Բելգիայի Անտվերպեն քաղաքում այսօր մեկնարկեց սպորտային մարմնամարզության աշխարհի թվով 44 -րդ առաջնությունը:
Հայաստանն այդ մրցումներում կներկայացնեն մեր փորձառու մարմնամարզիկները` 30-ամյա Վահագն Ստեփանյանը եւ 29-ամյա Հարություն Մերդինյանը: 21-ամյա Արթուր Դավթյանը նախապես հայտավորված է եղել, սակայն հետո հանվել է մրցաշարից:
Առաջինը մրցասպարեզ կմտնի Վահագն Ստեփանյանը, որը ոչ միայն ուժերը կփորձարկի նժույգաթափի վրա, այլեւ կաշխատի ցուցադրել իր ստեղծած մարմնամարզական հնարքը: Հաջողության դեպքում մարմնամարզության միջազգային ֆեդերացիան այն կկոչի մեր մարզիկի անունով, ինչպես, օրինակ, ազարյանական խաչը:
Երեկոյան պայքարի մեջ կմտնի Հարություն Մերդինյանը, որը նույնպես հանդես կգա նժույգաթափի վրա:
