A
A
Էլինա Դանիելյանը պարտվեց
Հայաստանի ուժեղագույն շախմատիստուհի Էլինա Դանիելյանն առաջին պարտությունը կրեց Տաշքենդում տեղի ունեցող շախմատի Գրանդ Պրիի մրցաշարում:
Այսօր կայացած երկրորդ տուրում մեր հայրենակիցը սպիտակ խաղաքարերով պարտվեց հնդկուհի Հումպի Կոներուին: Էլինա Դանիելյանը, որն առաջին պարտիայում ոչ-ոքի էր խաղացել ռուսաստանցի Ալեքսանդրա Կոստենյուկի հետ, այժմ 0,5 միավորով զբաղեցնում է 7-րդ տեղը: Մրցաշարային աղյուսակը գլխավորում են նույն Հումպի Կոներուն եւ չինուհի Ժաո Քսյուն, որոնք երկու միավոր ունեն:
Վաղը կայանալիք 3-րդ տուրում Էլինա Դանիելյանը սեւ խաղաքարերով կմրցի ուկրաինուհի Կատերինա Լագնոյի հետ, որն իր ակտիվում ունի 1 միավոր:
