A
A
Հայաստանից՝ երեք մասնակից
Թուրքիայի Կոչաելի քաղաքում այսօր կմեկնարկի շախմատի աշխարհի երիտասարդական առաջնությունը:
Տղաների մրցաշարում Հայաստանից հանդես կգան գրոսմայստերներ Սամվել Տեր-Սահակյանը եւ Վահե Բաղդասարյանը, աղջիկներից` ՖԻԴԵ-ի վարպետ Մարիա Գեւորգյանը:
Առաջին տուրում Սամվել Տեր-Սահակյանը սեւերով կմրցի ինդոնեզացի շախմատիստ Ալի Մուհամեդ Լութֆիի հետ, իսկ Վահե Բաղդասարյանը` հարավաֆրիկացի Կրեյգ Բորնհեյմի հետ:
Մարիա Գեւորգյանը նույնպես սեւերով ուժերը կչափի Թուրքիայի ներկայացուցիչ Բուսրա Սոյդանի հետ:
Նշենք, որ առաջնությանը մասնակցելու հայտ են ներկայացրել 118 շախմատիստ եւ 77 շախմատիստուհի, որոնք շվեյցարական մրցակարգով, 13 տուրում կորոշեն աշխարհի մինչեւ 20 տարեկան լավագույն շախմատիստին եւ շախմատիստուհուն:
