Գագիկ Ծառուկյանը շնորհավորեց Բախին
Հայաստանի ազգային օլիմպիական կոմիտեի նախագահ Գագիկ Ծառուկյանը շնորհավորական ուղերձ է հղել Միջազգայի օլիմպիական կոմիտեի նորընտիր նախագահին: Այդ մասին տեղեկացնում է ՀԱՕԿ-ի մամուլի ծառայությունը:
«Հայաստանի ազգային օլիմպիական կոմիտեն ուշադրությամբ հետևում էր Բուենոս Այրեսում անցկացված ՄՕԿ-ի 125-րդ գագաթաժողովի աշխատանքներին: Վերջին օրը տեղի ունեցավ ՄՕԿ-ի նախագահի ընտրությունը: Ուրախ ենք, որ Դուք ձայների բացահայտ առավելությամբ հաղթեցիք եւ դարձաք միջազգային օլիմպիական կոմիտեի 9-րդ նախագահը:
Հավատում ենք, որ հաջողությամբ կղեկավարեք համաշխարհային սպորտի գլխավոր կառույցը, քանզի ունեք սպորտային փառավոր անցյալ, մարզական եւ աշխատանքային հարուստ փորձ»,- ասված է ուղերձում:
ՄՕԿ-ի վերջին գագաթաժողովում նախագահի 6 թեկնածուներից հաղթել է կոմիտեի փոխնախագահ, գերմանացի Թոմաս Բախը:
