A
A
Սերգեյ Մովսեսյանը 8-րդն է
Խանտի Մանսիյսկում ավարտված արագ շախմատի աշխարհի առաջնությունում Հայաստանի ներկայացուցիչներից հաջող հանդես եկավ գրոսմայստեր Սերգեյ Մովսեսյանը:
Նա 15 հնարավորից վաստակեց 9 միավոր եւ զբաղեցրեց 8-րդ տեղը: Սերգեյ Մովսեսյանը կպարգեւատրվի 10 հազար դոլարով:
Մեր շախմատիստ Վլադիմի Հակոբյանը 7,5 միավորով մրցաշարը ավարտեց 29-րդ հորիզոնականում: Գաբրիել Սարգսյանը նույն արդյունքով գրավեց 33-րդ տեղը: Հայաստանի չորրորդ մասնակից Աշոտ Նադանյանը ցույց տվեց 51-րդ արդյունքը՝ վաստակելով ընդամենը 6 միավոր:
Առաջնության հաղթող դարձավ ադրբեջանցի Շահրիյար Մամեդյարովը, որը վաստակեց 11,5 միավոր:
Այժմ մեր շախմատիստները պատրաստվում են հունիսի 9-10-ը կայանալիք կայծակնային շախմատի աշխարհի առաջնությանը, որը բաղկացած է 30 տուրից:
