ՊՆ-ն դատի է տվել ՖԱ-ին
Ռուսաստանի Դաշնության պաշտպանության նախարարությունը դատական հայց է ներկայացրել Մոսկվայի ԲԿՄԱ ֆուտբոլային ակումբի դեմ:
Մոսկվայի վերաքննիչ դատարանը գրանցել է ՊՆ-ի այն հայցը, ըստ որի ֆուտբոլային ակումբը պետք է 300,5 մլն ռուբլի փոխհատուցում վճարի նախարարությանը պատկանող Վատուտինկի մարզաբազայի վարձակալման համար: Նախարարության ներկայացուցիչը տեղեկացրել է, որ Մոսկվայի ԲԿՄԱ-ն վերջին 6 տարվա վարձակալության համար գումար չի վճարել:
Հարկ է նշել, որ մարզաբազայի տարեկան վարձակալությունը կազմում է 11,284 մլն ռուբլի, սակայն փոխհատուցման գումարը ավելացել է տուգանքների եւ տոկոսների հաշվեգրման պատճառով:
ԲԿՄԱ-ի նախագահ Եվգենի Գիները այդ կապակցությամբ հայտարարել է, որ 6 տարիների ընթացքում նախարարությունից ոչ մեկը չի դիմել ակումբին եւ իրենք զարմացած են նման հայցի համար:
Ի դեպ, Ռուսաստանի ՊՆ մեկ տարի առաջ վաճառել է ֆուտբոլային ակումբի բաժնետոմսերի իր փաթեթը եւ այլեւս ոչ մի կապ չունի Բանակի Կենտրոնական Մարզական Ակումբի հետ:
