A
A
Սոչի-2014 օլիմպիական խաղերն ամենաթանկն են
2014 թ Սոչիի ձմեռային օլիմպիական խաղերը կդառնա ամենաթանկը օլիմպիական խաղերի պատմության մեջ:
Ինչպես տեղեկացնում են ռուսական լրատվամիջոցները՝ այդ խաղերի համար կծախսվի 51 մլրդ դոլար: Բոլորից շատ գումարներ ներդրել են պետական կառույցներն ու ընկերությունները` մոտ 18 մլրդ դոլար:
Աշխարհում ամենաշատ բնական գազ արտահանող «Գազպրոմ» ընկերությունը ծախսել է 3 մլրդ դոլար, «Սբերբանկը»` 1,3 (կառուցել է մամուլի կենտրոնը): Իսկ ահա անհատ գործարարներ Վլադիմիր Պոտանինը եւ Օլեգ Դերիպասկան Սոչիի խաղերում ներդրել են համապատասխանաբար 2,5 եւ 1,4 մլրդ դոլար:
Նշենք, որ 2012 թ Լոնդոնում կայացած ամառային օլիմպիական խաղերի անցկացման համար ծախսվել է 24 մլրդ եվրո:
