A
A
Մահացել է Արսեն Չիլինգարյանը
Երկարատեւ ծանր հիվանդությունից հետո մահացել է Երեւանի «Արարատի» նախկին ֆուտբոլիստ Արսեն Չիլինգարյանը: Այդ մասին տեղեկացնում է Հայաստանի ֆուտբոլի ֆեդերացիայի մամուլի ծառայությունը:
Արսեն Չիլինգարյանը «Արարատի» կազմում երկար տարիներ հանդես է եկել ԽՍՀՄ բարձրագույն խմբում: Ֆուտբոլիստի կարիերան ավարտելուց հետո նա անցել է մարզչական աշխատանքի, մարզել է նորանկախ Հայաստանի պատանեկան հավաքականները: Նրա վերջին ակումբը եղել է Երեւանի «Ուլիսը»:
Վերջին տարիներին Արսեն Չիլինգարյանը ապրում էր Ֆրանսիայի Գրենոբլ քաղաքում:
