«Փյունիկի» 2 խաղացող բաց կթողի եզչափակիչը
Երեւանի «Փյունիկի» ֆուտբոլիստներ Գագիկ Պողոսյանը եւ Վարազդատ Հարոյանը չեն մասնակցի այսօր Գյումրիի «Շիրակի» հետ կայանալիք Հայաստանի գավաթի եզրափակիչ խաղին: Այդ մասին տեղեկացնում է ակումբի մամուլի ծառայությունը:
Գագիկ Պողոսյանը 7 խաղով որակազրկված է, իսկ Վարազդատ Հարոյանը թիմի նախորդ խաղում 7-րդ դեղին քարտն է ստացել, ուստի ստիպված բաց կթողի այսօրվա կարեւոր հանդիպումը:
«Շիրակ» ակումբի մամուլի ծառայությունից մեր թղթակցին տեղեկացրին, որ թիմի ֆուտբոլիստներից ոչ մեկը որակազրկված չէ, ինչպես նաեւ չկան վնասվածք ունեցող խաղացող, ուստի բոլորը կարող են մասնակցել եզրափակիչին:
Հիշեցնենք, որ Հայաստանի 2012-13 թթ գավաթի խաղարկության եզրափակիչում կհանդիպեն հանրապետության այս տարվա չեմպիոն «Շիրակը» եւ առաջնության 5-րդ տեղում գտնվող «Փյունիկը»: Խաղը տեղի կունենա Երեւանի «Հրազդան» մարզադաշտում, ժամը 19:00-ին: Մուտքն անվճար է:
