«Ուլիսը» եւ «Արարատը» տուգանվեցին
«Ուլիս» եւ «Արարատ» ֆուտբոլային ակումբները Հայաստանի ֆուտբոլի ֆեդերացիա արտոնագրման փաստաթղթերի ներկայացման վերջնաժամկետը խախտելու համար տուգանվել են 400 հազարական դրամով: Այդ մասին տեղեկացնում է ՀՖՖ մամուլի ծառայությունը:
ՀՖՖ կարգապահական կոմիտեի որոշմամբ «Բանանց-1-98» թիմի մարզիչ Անդվիլ Խերթը, որը «Շիրակ-98»-ի հետ խաղին հեռացվել է մրցավարի գործողություններին միջամտելու եւ նրան հայհոյելու համար, որակազրկվել է 4 խաղով, իսկ «Բանանց» ակումբը տուգանվել 20000 դրամով:
«Ադանա-98» թիմի մարզիչ Գագիկ Մովսիսյանը մրցավարի հասցեին հայհոյանքներ տալու համար արդեն որակազրկվել է 8 խաղով:
ՀՀ ֆուտզալի առաջնության «Թալգրիգ» - «Պոլիտեխնիկ» խաղին մրցավարին հայհոյել է արդեն դաշտի տերերի ֆուտբոլիստ Ջանիբեկ Եգանյանը: Վերջինս որակազրկվել է 5 խաղով, «Թալ-Գրիգ» ՍՊԸ-ն տուգանվել 100000 դրամով:
