A
A
Հանուն Հռոմի պապի
Արգենտինական «Սան Լորենցո» ֆուտբոլային ակումբի ղեկավարությունը ամեն գնով ցանկանում է լավություն անել Հռոմի նորընտիր պապ Ֆրանցիսկ 1-ին, որը թիմի հավատարիմ նվիրյալներից մեկն է:
Դրա համար արգենտինական ակումբի նախագահ Մատիաս Լամենսը ցանկանում է այս տարվա օգոստոսի 10-ին Հռոմում ընկերական խաղ անցկացնել եւ պապին հրավիրել հանդիպմանը:
«Մենք այդ օրը «Լացիոյի» եւ «Ռոմայի» հետ խաղալու լավ տարբերակ ունենք: Հանդիպումից ստացած ողջ հասույթը կտրամադրենք Արգենտինայի բարեգործական հիմնադրամներին» - ասել է Մատիաս Լամենսը:
Ի դեպ, «Սան Լորենցոյի» երկրպագուները արդեն հասցրել են Ֆրանցիսկ 1-ին թիմի մարզաշապիկ նվիրել: Նույն օրինակին է հետեւել նաեւ Իսպանիայի վարչապետ Մարիանո Ռախան, որը կաթոլիկների հովվապետի հետ հանդիպման ժամանակ ազգային հավաքականի մարզաշապիկ է նվիրել:
