A
A
«Բանանցին» ուկրաինացի մասնագետ կմարզի
Երեւանի «Բանանցը» նոր գլխավոր մարզիչ ունի:
Ինչպես տեղեկացնում է ակումբի պաշտոնական կայքը, այդ պաշտոնում նշանակվել է ուկրաինացի մասնագետ Վլադիմիր Պյատենկոն: Նրան կօգնեն Ալբերտ Կովալյովը, Կարեն Սիմոնյանը, Արթուր Ոսկանյանը եւ Նիկոլայ Դոնեւը:
Հունվարի 21-ին «Բանանցը» ուսումնամարզական հավաքի է մեկնելու Կիպրոս: Հենց այնտեղ էլ Վլադիմիր Պյատենկոն կսկսի կատարել իր անմիջական պարտականությունները:
Ակումբային կայքը չի տեղեկացնում, թե նոր գլխավոր մարզի հետ ինչ ժամանակով եւ պայմաններով է կնքվելու աշխատանքային պայմանագիրը:
