A
A
Համանախագահներ` նախագահի տեղը
Հայաստանի կանոէի ազգային ֆեդերացիայի նախագահ Հրաչ Խուդոյանը առողջական խնդիրների պատճառով հրաժարական է տվել:
Այդ մասին տեղեկացնում է ՀՀ սպորտի եւ երիտասարդության հարցերի նախարարության պաշտոնական կայքը:
Ընդհանուր ժողովի ժամանակ ներկաները որոշել են ստեղծել համանախագահների ինստիտուտ: Քվեարկությամբ համանախագահներ են ընտրվել Լեւոն Ղազարյանը եւ Մելիք Եսայանը: Ընտրվել է նաեւ 7 հոգուց բաղկացած մարզչական խորհուրդ:
Ժողովի աշխատանքներին մասնակցել է ՀՀ սպորտի եւ երիտասարդության հարցերի նախարար Հրաչյա Ռոստոմյանը, որը նորընտիր համանախագահներին եւ մարզչական խորհրդին մաղթել է բեղմնավոր աշխատանք եւ պատասխանատու մոտեցում իրենց աշխատանքներին:
