A
A
Դանիելյանը եւ Մկրտչյանը հաղթեցին
Հայաստանի շախմատիստուհիները վստահ սկսեցին ելույթները Խանտի Մանսիյսկում մեկնարկած կանանց շախմատի աշխարհի առաջնությունում:
ՖԻԴԵ-ի գրոսմայստեր Էլինա Դանիելյանը առաջին տուրում սպիտակներով առավելության հասավ Վրաստանի ներկայացուցիչ Սոֆիկո Խուխաշվիլու նկատմամբ:
Կանանց գրոսմայստեր Լիլիթ Մկրտչյանը նույնպես սպիտակ խաղաքարերով պարտության մատնեց Շոտլանդիան ներկայացնող վրացի շախմատիստուհի Քեթեւան Արախամիա-Գրանտին:
Վաղը կկայանան պատասխան պարտիաները: Մեր շախմատիստուհիները հանդես կգան սեւ խաղաքարերով:
Հիշեցնենք, որ աշխարհի առաջնությունը անցկացվում է նոկաուտ մրցակարգով եւ յուրաքանչյուր տուրում մասնակիցները անցկացնում են 2-ական պարտիա: Ոչ-ոքիի դեպքում հաղթողը որոշվում է թայ բրեյքի օգնությամբ:
