A
A
Թիմային հաշվարկով` 5-րդ տեղում
Հայաստանի երիտասարդ հեծավորդները թիմային հաշվարկով 5-րդ տեղն են զբաղեցրել Իրանի Մազանդարանի նահանգում անցկացրած խճուղային հեծանվավազքի միջազգային մրցաշարում: Այդ մասին տեղեկացնում է ՀԱՕԿ-ի մամուլի ծառայությունը:
Հինգ փուլից բաղկացած հեծանվավազքին մասնակցել են 11 երկրների 14 թիմեր: Նախնական երկու փուլից հետո Հայաստանի հավաքականը ընթանալիս է եղել առաջին տեղում, սակայն թիմի առաջատար Էդվարդ Մաթոսյանը անսպասելի հիվանդացել է, որի պատճառով նվազել են արդյունքները:
Անհատական պայքարում երեւանցի հեծանվորդ Հովհաննես Հովհաննիսյանը գրավել է 8-րդ տեղը 78 մասնակիցների մեջ: Նա երկու փուլերում ճանաչվել է երկրորդը, իսկ մեկում ` երրորդը:
16-ամյա Սարիբեկ Ավետիսյանը եւ Արսեն Դերձյանը հեծանվավազքը ավարտել են համապատասխանաբար 17-րդ եւ 21-րդ հորիզոնականներում:
