"Ռուբեն Հայրապետյանը պետք է հարցաքննվի"

Աջակցիր «Ա1+»-ին

Հանրապետական տարբեր գործիչներ այսօր մեղադրում են քաղաքական մյուս ուժերին "Հարսնաքարի" դեպքը քաղաքականացնելու եւ այդպիսով դիվիդենտներ շահելու փորձերի մեջ:

ԱԺ նախագահությունը որեւէ կերպ չի արձագանքել ԱԺ խմբակցությունների առաջարկին` խորհրդարան հրավիրել "Հարսնաքարի" գործը քննող իրավապահներին եւ հասարակությանը հուզող հարցեր ուղղել նրանց: Ժառանգություն խմբակցության քարտուղար Զարուհի Փոստանջյանը համոզված է, որ Հարսնաքարի շուրջ բարձրացած ալիքը հենց քաղաքականություն է, որն այսօր պարտադրում է հասարակությունը, եւ քաղաքական ուժերը պիտի սպասարկեն ժողովրդի այդ պահանջը: Ներկայացնում ենք նրա հետ մեր զրույցը:


- Այսօր Հանրապետականը  քաղաքական ուժերին մեղադրում է Հարսնաքարի դեպքը քաղաքականացնելու մեջ: Ինչպիսի՞ն է լինելու քաղաքական ուժերի դերակատարումը այդ շարժումը չքաղաքականացնելու, մյուս կողմից` առաջ տանելու հարցում:

- Գիտեք, այո, սա քաղաքականություն է: Վերջիվերջո մեր հասարակությունն իր քաղաքականությամբ պետք է ասի` ինքն ինչ տիպի հասարակություն է ուզում լինել`բռնապետական հասարակության մի մաս, թե ազատ, ժողովրդավարական հասարակություն: Դա քաղաքականություն է: Հենց իրական քաղաքականություն է սա եւ ինչ որ մեկը, երբ փորձում էասել, մի քաղաքականացրեք..., այս ամբիոնը քաղաքական ամբիոն է, խորհրդարանը քաղաքական մարմին է եւ ձեւավորվում է ժողովրդի կողմից: Հետեւաբար, ժողովուրդը պետք է որոշի` ինքն ինչ ձեւաչափում է ուզում ապրել` բռնապետական քաղաքական համակարգում, թե ազատ ժողովրդավարական համակարգում: Հենց իրական քաղաքականությունը սա է եւ քաղաքականությունը պետք է գա ժողովրդի կողմից, իսկ մնացած տարրերը` կուսակցություններըպետք է սպասարկեն ժողովրդի շահը:

- Որքանո՞վ է ԱԺ խմբակցությունների առաջարկը` խորհրդարան հրավիրել  քրեական գործը քննող իրավապահներին եւ նրանց հարցեր ուղղել, ԱԺ նախագահի լիազորությունների սահմաններում:

- ԱԺ պատգամավորն ունի լիազորություն պահանջել պետական պաշտոնյայից իր կողմից բարձրացված հարցի քննարկում: Հարսնաքարի խնդրի առնչությամբ կան տարբեր պաշտոնայներ,որոնց մենք ցանկանում ենք լսել: Այդ իսկ պատճառով մենք նախընտրեցինք այսպիսի ձեւաչափ,հատկապես հասկանալով, որ ԱԺ պատգամավոր է ներգրավված այս ամբողջի մեջ, եւ մենք որոշեցինք դիմել ԱԺ նաագահին, որ հնարավորություն ընձեռնի մեր կողմից բարձրացրած հարցի քննարկումը տեղի ունենա ԱԺ-ում: Նույնիսկ չպատասխանելը կամ հարցից խուսափելը մեզ հնարավորություն կտա տեսնելու, թե ինչպիսին է մեր այսօրվա իշխանության տրամադրվածությունը այս հարցում:

- Մինչ այժմ երկրի նախագահը` Սերժ Սարգսյանն իր վերաբերմունքը չի արտահայտել դեպքի հետ կապված, եւ գործի քննության, դատաքննության հետ կապված որեւէ բան չի ասվել: Եթե հանդիպում լինի ԱԺ-ում, կարծում եք իշխանությունը հետամուտ կլինի՞, որ լիովին բացահայտվի դեպքը:

- Ես իհարկե որեւէ ակնկալիք չունեմ ՀՀ ցանկացած պաշտոնյայից: Իմ ակնկալիքները մեր հասարակությունից, տուժողի իրավահաջորդից եւ տուժողներից են, որոնք նոր են դուրս գրվել հիվանդանոցից: Այսինքն` մեզանից է կախված մեր ակնկալիքների իրականցումը: Պարզ է, որ պետական պաշտոնյաները իրենց գործառույթներն այս հարցում չեն կատարելու, եթե մենք չլինենք պահանջատեր: Օրինակ` բազմաթիվ շատ ցավալի դեպքեր ենք արձանագրում բանակումեւ արդար դատաքննությունն իսպառ բացակայում է: Ծնողները պարբերաբար գալիս,կառավարության առջեւ բողոքում են, որ արդար դատաքննություն տեղի չի ունենում, իրական մեղավորները չեն նստում մեղադրյալի աթոռին եւ չեն դատապարտվում ազատազրկման: Համատարած է այդ անպատժելիությունը: Մենք տեսանք անպատժելիություն մարտի 1-իդեպքերի հետ կապված, մինչդեռ պարզ է, որ գոնե երեք հոգու մահը հետեւանք է ոստիկանությանկողմից կիրառված փամփուշտների:

- Ձեր կարծիքով` էլ ի՞նչ պետք է անի հասարակությունը:

- Այս բոլոր ակցիաները, ընդվզումը, այդ վայրերի բոյկոտը, այդ ամենը մտնում է հենց հասարակության անելիքների մեջ: Եթե նորմալ չեն աշխատում պետության գործիքները, սահասարակության խնդիրն է: Մարդը գնացել է հասարակական վայր, նրան ծեծել, սպանել են: Սպանել են մի խումբ մարդիկ, որոնք չգիտենք` ինչ իրավական հիմքով են գործում, ինչու են զինված, ինչու են ուժ կիրառում: Ես հավատում եմ միայն մեր հասարակության կողմից պահանջատիրությանը: Որքանով մեր հասարակությունը կլինի պահանջատեր, այդքանով նա կունենա արդյունքներ: Հիմնականում սա է մեր խնդիրը: Հասարակությունն է, որ կարող պարտադրել, որ գործընթացները գնան բնականոն եւ արդարացի հունով, որ մենք հասնենք նրան,որ իրապես, արդար դատաքննության միջոցով մարդիկ պատժվեն, ովքեր ներգրավված են եղելայս հանցագործության մեջ: Բոլորս էլ հասկանում ենք` ինչ է տեղի ունեցել. մի քանի հոգու կողմիցմարդը դաժանաբար ծեծի է ենթարկվել, որի հետեւանքով նա մահացել է: Շատ կարեւոր է, որ այդ մարդիկ գան դատարան, ասեն` ինչ է տեղի ունեցել, իրենց վկայություններով մեզ պարզաբանեն`որ հասարակությունն էլ իր համապատասխան եզրակացությունն անի:

- Ռուբեն Հայրապետյանը մինչեւ սեպտեմբեր պատգամավոր է մնալու եւ անձեռնմելի է լինելու,կարծում եք նորմալ քննություն կլինի՞:

- Անկախ, թե ինչ կարգավիճակում կլինի, նա պետք է պարտադիր կանչվի հարցաքննության: Դա ոչ միայն իմ կարծիքն է, այլեւ օրենքի պահանջն է: Հատկապես, որ նա ընդունում է, որ ինքը մեղավոր է, որ կապ ունի այդ ամենի հետ:

Զրուցեց Մարինե Խառատյանը