A
A
ՈՒԵՖԱ-ի արտոնագիր ստացան 7 թիմեր
Հայաստանի ֆուտբոլի ֆեդերացիայի Արտոնագրման կոմիտեի 1-ին ատյանի մարմինը «Փյունիկ», «Գանձասար», «Բանանց», «Միկա», «Ուլիս», «Էրեբունի-Դիլիջան» եւ «Շիրակ» ակումբներին ՈՒԵՖԱ-ի արտոնագիր է շնորհել։ Այդ մասին տեղեկացնում է ՀՖՖ մամուլի ծառայությունը։
Դա նշանակում է, որ վերոնշյալ ակումբների առաջին թիմերը կարող են մասնակցել ՈՒԵՖԱ-ի 2012/2013 թթ ակումբային մրցաշարերին։ Հայաստանի առաջնության բարձագույն խմբի ակումբներից ՈՒԵՖԱ-ի արտոնագիր չի շնորհվել միայն Երեւանի «Արարատին»։
Նշենք, որ ՈՒԵՖԱ-ի 2012/2013 թթ ակումբային մրցաշարերին Հայաստանից մասնակցելու են միայն 4 թիմեր՝ Երեւանի «Ուլիսը» չեմպիոնների լիգայում, Երեւանի «Փյունիկը», կապանի «Գանձասարը» եւ Գյումրիի «Շիրակը»՝ Եվրոպայի լիգայում։
