Պատրաստվում են «Չելենջ տրոֆին»
Հայաստանի հանդբոլի ֆեդերացիան «բավարար» է գնահատել 2011-ին կատարած իր աշխատանքները: Այս մասին տեղեկացնում է ֆեդերացիայի մամուլի ծառայությունը:
ՀՀՖ-ի ընդլայնված նիստում ֆեդերացիայի նախագահ Սարգիս Գրիգորյանը նշել է, որ անցնող տարվա ընթացքում չորս տասնյակից ավելի միջոցառումներ են անցկացվել: Մասնավորապես՝ Հայաստանի երիտասարդական եւ մինչեւ 18 տարեկան լողափնյա հանդբոլիստուհիների հավաքականներն ուսումնամարզական հավաքների եւ միջազգային մրցաշարերի են մասնակցել Վրաստանում:
Այժմ մեր թիմերը նախապատրաստվում են հաջորդ տարի կայանալիք Եվրոպայի երիտասարդական առաջնության խմբային մրցաշարին եւ Վրաստանում կայանալիք լողափնյա հանդբոլի Եվրոպայի առաջնությանը: Մեր հանդբոլիստուհիները խաղալու են նաև «Չելենջ տրոֆի» միջազգային մրցաշարում:
Հիշեցնենք, որ նոյեմբերին մայրաքաղաքի «Միկա» մարզասրահում անցկացված «Վարչապետի գավաթ» միջազգային մրցաշարում, Հայաստանի հանդբոլիստների հավաքականը զիջել է միայն Կրասնոդարի ՖԻՄԱ-ի խաղացողներից կազմված Ռուսաստանի հավաքականին եւ զբաղեցրել 2-րդ մրցանակային տեղը:
