Դատարանը կլսի Սեդրակ Առուստամյանին կալանավորելու մասին միջնորդությունը
Աջակցիր «Ա1+»-ին«Մուլտի Գրուպ» կոնցեռնի նախկին գլխավոր տնօրեն Սեդրակ Առուստամյանին կալանավորելու միջնորդություն է ներկայացվել դատարան։
Ինչպես «Ա1+»-ի հետ զրույցում նշեց նրա պաշտպան Հովիկ Սուքիասյանը, այսօր միջնորդությունը կքննի Երեւան քաղաքի ընդհանուր իրավասության քրեական դատարանի դատավոր Ջոն Հայրապետյանը։
Պաշտպանը նաեւ տեղեկացրեց, որ Սեդրակ Առուստամյանին մեղադրանք է առաջադրվել ԲՀԿ առաջնորդ Գագիկ Ծառուկյանի հետ կապված վարույթով։
Հիշեցնենք, որ «Բարգավաճ Հայաստան» կուսակցության առաջնորդ Գագիկ Ծառուկյանը մեղադրվում է առանձնապես խոշոր չափերով խարդախություն եւ փողերի լվացում կատարելու համար եւ անազատության մեջ է հուլիսի 6-ից։
Ավելի վաղ քննչական կոմիտեն հայտնել էր, որ «Մուլտի Գրուպ» կոնցեռնի նախկին գլխավոր տնօրեն Սեդրակ Առուստամյանն ու ներկա տնօրեն Արթուր Դալլաքյանը ձերբակալվել են։
