A
A
ԱՄՆ-ն և Իրանը փոխադարձ հարվածներ են հասցրել, Հորմուզի նեղուցում լարվածությունը կրկին աճել է
Աջակցիր «Ա1+»-ինԱՄՆ-ի և Իրանի միջև լարվածությունը կրկին սրվել է՝ չնայած ավելի վաղ ձեռք բերված հրադադարի պայմանավորվածությանը։ Վաշինգտոնը հայտարարել է, որ նոր ավիահարվածներ է հասցրել Իրանի ռազմական օբյեկտներին՝ ի պատասխան Հորմուզի նեղուցում առևտրային նավի վրա իրականացված հարձակման։
Իրանի իշխանություններն իրենց հերթին հայտնել են ԱՄՆ-ի ռազմական օբյեկտների ուղղությամբ պատասխան հարվածների մասին՝ պնդելով, որ ամերիկյան կողմն է խախտել հրադադարը։ Ըստ հաղորդումների՝ հարվածներ են հասցվել Բահրեյնում և Քուվեյթում տեղակայված ամերիկյան օբյեկտների ուղղությամբ, սակայն զոհերի կամ զգալի ավերածությունների մասին տեղեկություններ չեն հաղորդվել։
ԱՄՆ նախագահ Դոնալդ Թրամփը հայտարարել է, որ Իրանի հետագա գործողությունների դեպքում Վաշինգտոնը կարող է «ավարտին հասցնել գործը», մինչդեռ Թեհրանը սպառնում է շարունակել պատասխան գործողությունները։
Վերջին զարգացումները կրկին վտանգի տակ են դրել Հորմուզի նեղուցով նավարկության անվտանգությունն ու տարածաշրջանում փխրուն հրադադարը։
Reuters
