Վենետիկում բացվել է Ավետիք Իսահակյանի հուշատախտակը
Աջակցիր «Ա1+»-ինԿԳՄՍ նախարար Ժաննա Անդրեասյանի գրառումը․
Վենետիկում երեկ բացվեց Ավետիք Իսահակյանի հուշատախտակը այն հասցեում, որտեղ ժամանակին բնակվել է:
Հուշատախտակի վրա ուրվագծված է Ռիալտոյի կամուրջը, որը Ավ․ Իսահակյանի լավագույն բանաստեղծություններից մեկի՝ «Մի մրահոն աղջիկ տեսա Ռիալտոյի կամուրջին․․․», խորհրդանիշն է և Վարպետի սիրելի ճարտարապետական կառույցներից մեկի՝ Երերույքի տաճարի զարդանախշը։ Հուշատախտակի վրա եղած QR կոդով այցելուները կարող են տեսնել «Իսահակյանը և Վենետիկը» տեսանյութը։ Հուշատախտակի ճարտարապետը Հայկ Ասատրյանն է։
Սա հնարավոր դարձավ ԿԳՄՍՆ և ԱԳՆ ջանքերով, Վենետիկի հյուպատոսարանի գործուն աջակցությամբ, ինչպես նաև Ավետիք Իսահակյանի տուն-թանգարանի ակտիվ կազմակերպմամբ:
Հիշեցնեմ, որ նախորդ տարի մարտին էլ Գերմանիայի Լայպցիգ քաղաքում բացվեց Իսահակյանի հուշատախտակը:
