A
A
Ընդդիմադիր կուսակցություններին հորդորում ենք ընտրություններին չմասնակցել որպես առանձին միավոր․ ՀՄՄ
Աջակցիր «Ա1+»-ին«Հայոց համազգային միասնություն» կուսակցությունը հանդես է եկել հայտարարությամբ․
«Հունիսի 7-ին կայանալիք խորհրդարանական ընտրությունները ճակատագրական են: «Հայոց համազգային միասնություն» կուսակցության ստեղծման առաջին իսկ օրվանից շեշտել ենք՝ իշխանափոխությունը Հայաստանը հայկական՝ թրքացումից զերծ պահելու միակ երաշխիքն է։
Ինչպես արդեն հայտարարել ենք՝ ելնելով «Հայոց համազգային միասնություն» կուսակցության ծրագրային առաջնահերթություններից, մի կողմ դնելով կուսակցական, անձնական շահերը և նպատակ ունենալով նպաստել ընդդիմադիր ձայների համախմբմանը՝ մեր համակիրներին և հանրությանը կոչ ենք անում պարտադիր մասնակցել առաջիկա ԱԺ ընտրություններին։
Ընտրություններին մասնակցելու հայտ ներկայացրած բոլոր ընդդիմադիր կուսակցություններին հորդորում ենք ընտրություններին չմասնակցել որպես առանձին միավոր, այլ իրենց ընտրաձայները միավորվել «Ուժեղ Հայաստան» դաշինքի, «Հայաստան» դաշինքի և «Բարգավաճ Հայաստան» կուսակցության շուրջ՝ բացառելու հայադավ իշխանության վերարտադրությունն ու ձայների փոշիացումը։ Ուժը միասնության մեջ է»։
