A
A
Կոյուղիների վերանորոգման ժամանակ 28-ամյա երիտասարդը հոսանքահարվել ու մահացել է
Աջակցիր «Ա1+»-ինԿոտայքի մարզի Առինջ գյուղում կոյուղիների վերանորոգման ժամանակ 28-ամյա երիտասարդը հոսանքահարվել է և հիվանդանոց տեղափոխվելու ճանապարհին մահացել։ Տեղեկությունը հայտնում է shamshyan.com–ը։
Դեպքը տեղի է ունեցել այսօր` հուլիսի 28-ին։ Ոստիկանությունը «Աբովյան» բժշկական կենտրոնից ահազանգ է ստացել, որ շտապօգնության բժիշկների հերթապահ խումբը իրենց մոտ է տեղափոխել դի։
Իրավապահները պարզել են, որ մահացածը հիվանդանոց է տեղափոխվել Առինջ գյուղի Մաշտոցի փողոցի 20 շենքի բակից։ Նա կոյուղիների վերանորոգման աշխատանքներ կատարելու ժամանակ փոսից ջրահեռացում կատարելու պահին ջրային պոմպով հոսանքահարվել է։
Կայքի տեղեկություններով՝ մահացածը Գեղարքունիքի մարզի բնակիչ 28-ամյա Հակոբ Մ․-ն է։
Դեպքի փաստով Աբովյանի քննչական բաժնում նախաձեռնվել է քրեական վարույթ։Քննիչի որոշմամբ նշանակվել է դիակի դատաբժշկական փորձաքննություն։
