Արջի թարմ հետքեր են հայտնաբերվել «Արփի լիճ» ազգային պարկի տարածքում․ նախարարությունը զգուշացնում է

Շրջակա միջավայրի նախարարությունը հայտնում է, որ «Արփի լիճ» ազգային պարկի տարածքում հայտնաբերվել են արջի թարմ հետքեր։

Այս փաստը միաժամանակ ունի զգուշացնող և դրական բնույթ։ Զգուշացնող՝ քանի որ վայրի կենդանու առկայությունը պահանջում է զգոնություն զբոսաշրջիկներից և տեղի բնակիչներից։ Ուրախալի՝ քանի որ արջի վերադարձը վկայում է էկոհամակարգի վերականգնման և տարածքի բնապահպանական առողջացման մասին։

Նախարարությունը հորդորում է.

• Անտառային և բարձրադիր հատվածներ մուտք գործելիս լինել զգոն,

• Ընտանի կենդանիներին չթողնել առանց վերահսկողության,

• Խուսափել միայնակ շրջելուց վաղ առավոտյան կամ ուշ երեկոյան ժամերին։

Նշվում է, որ արջերը սովորաբար խուսափում են մարդկանցից, սակայն նախազգուշական միջոցների պահպանումը կարևոր է բոլորի անվտանգության համար։