Թրամփը ժամանակավորապես դադարեցրել է Ուկրաինային տրամադրվող ռազմական օգնությունը․ Reuters
Աջակցիր «Ա1+»-ինԱՄՆ նախագահ Դոնալդ Թրամփը կարգադրել է ժամանակավորապես դադարեցնել Ուկրաինային տրամադրվող ռազմական օգնությունը, մինչև Կիևը չապացուցի իր «հավատարմությունը խաղաղությանը»։
Այդ մասին հայտնում է Reuters-ը՝ գրելով, որ Թրամփը նման որոշում է կայացրել Սպիտակ տան Օվալաձև աշխատասենյակում Ուկրաինայի նախագահ Վլադիմիր Զելենսկու հետ վիճաբանելու արդյունքում։
«Նախագահ Թրամփը հստակ նշել է, որ նա կենտրոնացած է խաղաղության վրա։ Մեզ անհրաժեշտ է, որ մեր գործընկերներն էլ հավատարմություն ցուցաբերեն այդ նպատակին։ Մենք կասեցնում և վերանայում ենք մեր օգնությունը, որպեսզի համոզվենք, որ այն նպաստում է խնդրի լուծմանը», ասել է զլմ-ի աղբյուրը։
Թրամփը դեռևս չի մեկնաբանել այս որոշումը։
Այս առնչությամբ Ուկրաինայի վարչապետ Դենիս Շմիգալը հայտարարել է, որ նախորդ օրվա դրությամբ՝ ԱՄՆ-ից զենքի մատակարարումները շարունակվում են. տեղեկություններ չկան, որ ինչ-որ բան դադարեցված է:
