Բանակցողները տեղյա՞կ են, որ կա երեք համաձայնագիր, որոնց միացել են Թուրքիան և Հայաստանը․ Թ․ Մանասերյան (տեսանյութ)

«Բանակցողը տեղյա՞կ է, որ կա ցամաքային երկրների /landlocked countries// երեք համաձայնագիր, որոնց միացել է Թուրքիան, միացել է նաև Հայաստանը։ Հայաստանը կարող է պահանջել, որ սահմանը բացեն, ոչ թե խնդրել յաթաղանի երկրից։ Եվ դրանով հակակշռել այն ճանապարհը, որն ուզում են»,- «Ա1+»-ի հետ զրույցում ասաց տնտեսագետ Թաթուլ Մանասերյանը՝ անդրադառնալով հայ-թուրքական սահմանի հնարավոր բացմանը։

Տնտեսագետն ասում է, որ ինքն այս տարի մասնակցել է Հայաստանին, Ադրբեջանին ու Թուրքիային վերաբերող հարցերով յոթ հանդիպումների։ Դրանք եղել են այնպիսի բարձր շրջանակներում, որից հետո, ըստ նրա, արդեն գալիս է որոշում կայացնողների բարձր մակարդակը։ «Քմծիծաղում են, թե իսկ ձեր պաշտոնական դեմքերն ինչո՞ւ այդ մասին չեն խոսում»,- հավելում է նա։

Անդրադառնալով մեր երկրի տնտեսության աճին՝ Թաթուլ Մանասերյանը հիշեցնում է, որ դա եղել է վերաարտահանման շնորհիվ, և հարց է բարձրացնում, թե ինչ է անելու Հայաստանը ռուս-ուկրաինական պատերազմից հետո․ «Պետք չէ պայծառատես լինել տեսնելու համար, որ 2025 թվականը ռուս-ուկրաինական պատերազմի հանգուցալուծման տարի պետք է լինի։ Հետո ի՞նչ պետք է անի Հայաստանը»։

Մանրամասները՝ տեսանյութում։