A
A
Իշխան Սաղաթելյանը Փարիզում հանդիպել է Ֆրանսիայի խորհրդարանի զույգ պալատների անդամների հետ
Աջակցիր «Ա1+»-ինՖրանսիա կատարած աշխատանքային այցի ընթացքում Փարիզում հանդիպել եմ Ֆրանսիայի խորհրդարանի զույգ պալատների անդամների հետ։ Այս մասին ֆեյսբուքյան իր էջում գրել է «Հայաստան» խմբակցության պատգամավոր Իշխան Սաղաթելյանը։
«Ֆրանսիայի Հանրապետության Ազգային ժողովում հանդիպել եմ պաշտպանության հանձնաժողովի փոխնախագահ, սոցիալիստ պատգամավոր Իզաբել Սանտիագոյի հետ, իսկ Սենատում՝ Հայաստան-Ֆրանսիա խորհրդարանական բարեկամության խմբի անդամներ Մարի Առլեթ Կառլոտիի, Ջիլբերթ Լյուկ Դեվինազի, Հելեն Քոնվայ Մուրեթի, Օլիվիե Ժաքուինի և Լուսիեն Սթանոզիի հետ։
Շնորհակալություն եմ հայտնել խորհրդարանականներին տևական ժամանակ ծավալած հայանպաստ գործունեություն համար։
Հանդիպումների ընթացքում քննարկել ենք Հայաստանի Հանրապետության առջև ծառացած մարտահրավերները, արցախահայության իրավունքների պաշտպանության միջազգային աշխատանքների ընթացքը և տարածաշրջանային քաղաքական զարգացումները։
Ներկայացրել եմ ՀՅԴ մոտեցումները տարածաշրջանային անվտանգության, ՀՀ ներքաղաքական զարգացումների և արցախյան հիմնախնդրի ներկա փուլի վերաբերյալ»,- գրել է Սաղաթելյանը։
