Երբ երեքշաբթի՝ նոյեմբերի 5-ին բացվեցին առաջին ընտրատեղամասերը ԱՄՆ փոխնախագահ և դեմոկրատների թեկնածու, 60-ամյա Հարիսը և նախկին նախագահ, հանրապետականների թեկնածու, 78-ամյա Թրամփը, կարելի է ասել, մուտք գործեցին իրենց ընտրապայքարի ավարտական փուլ, որը նրանցից մեկի համար, ի վերջո, բացելու է Սպիտակ տան դռները:

Նախագահի թեկնածուները քարոզարշավի վերջին օրն անցկացրեցին՝ կոչ անելով կողմնակիցներին քվեարկել, նաև անթաքույց ցանկություն կար գրավել տակավին չկողմնորոշված բազմաթիվ ընտրողների համակրանքը՝ հատկապես տատանվող նահանգներում, որոնք, իրականում, կարող են որոշել ԱՄՆ ընտրությունների ելքը: