Առաջին հաղթանակը
Հայաստանի մինչեւ 17 տարեկան ֆուտբոլիստների հավաքականը առաջին հաղթանակը տարավ Բուլղարիայի Պրավեց քաղաքում անցկացվող միջազգային մրցաշարում: Այդ մասին տեղեկացնում է Հայաստանի ֆուտբոլի ֆեդերացիայի մամուլի ծառայությունը:
2-րդ տուրի խաղում մեր տղաները 4:1 հաշվով ջախջախեցին Հյուսիսային Իռլանդիայի այդ տարիքային հավաքականին: Հայաստանի կազմում աչքի են ընկել Էդուարդ Ավագյանը, Վարդան Բակալյանը, Համլետ Ասոյանը (11 մ) եւ Նարեկ Պետրոսյանը:
Բուլղարիայի եւ Ռումինիայի հավաքականների հանդիպումը ավարտվել է ոչ-ոքի` 1:1:
Երկու տուրից հետո մրցաշարային աղյուսակը գլխավորում են հենց այդ երկրների պատանեկանները, որոնք վաստակել են 4-ական միավոր: Հայաստանը իր ակտիվում ունի 3 միավոր:
Հունիսի 25-ին կկայանան 3-րդ տուրի հանդիպումները: Հայաստանի պատանեկանը կմրցի դաշտի տերերի` Բուլղարիայի թիմի հետ:
