Բացել լրահոսը Փակել լրահոսը
A A
Տեսանյութեր Պաշտոնական

Ես վայելում եմ եւ Բագրատ Սրբազանը մնալու է փողոցում, շատ երկար շրջելու է․ Ալեն Սիմոնյանի ասուլիսը (տեսանյութ)

Որևիցե մեկը չի բացառում, բայց դրա պատճառները հայտնի են, և ՀԱՊԿ-ն ամեն ինչ անում է դրա համար: ԱԺ-ում լրագրողների հետ զրույցում անդրադառնալով Հայաստանի՝ ՀԱՊԿ-ից դուրս գալու հնարավորությանը՝ ասաց ԱԺ նախագահ Ալեն Սիմոնյանը:

«Նույնը նոյեմբերի 9-ի հայտարարության հետ կապված կարող եմ ասել: Ես չեմ կարծում, որ Հայաստանը պետք է ինչ-որ ստորագրություն հետ կանչի նոյեմբերի 9-ի հայտարարությունից: Ես կարծում եմ, որ Ադրբեջանը և Ռուսաստանը ՀՀ-ին պատասխանելու բան ունեն առաջին, երկրորդ, երրորդ, չորրորդ, հինգերորդ, վեցերորդ կետի, յոթերորդ կետի, նաև ութերորդ կետի վերաբերյալ, իսկ իններորդ կետի վերաբերյալ ՀՀ-ն իր պարտավորությունները կատարում  է: ՀՀ-ի պարտավորությունները այդ իններորդ կետի և այդ ամբողջ փաստաթղթի հիմքը նաև դրված է «խաղաղության խաչմերուկի» տրամաբանության մեջ, ինչպես նաև այդ փաստաթուղթը և 9-րդ կետի իրական մեկնաբանությունը կարող եք գտնել, օրինակ՝ ՌԴ նախագահի կողմից, եթե չեմ սխալվում, 2020 թվականի նոյեմբերի 10-ի հրամանագրի մեջ, և Հայաստանը չի հրաժարվել և չի հրաժարվում: Այլ հարց է, թե արդյոք Ադրբեջանի և Ռուսաստանի մեր գործընկերները պատրա՞ստ են իրականացնել առաջին, երկրորդ, երրորդ, չորրորդ, հինգերորդ, վեցերորդ, յոթերորդ, ութերորդ կետերը:

Անդրադառնալով ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանն այն մասին, որ ՀԱՊԿ-ի նիստերին, ՀԱՊԿ-ի աշխատանքներին ակտիվ չմասնակցելը վտանգներ է պարունակում Հայաստանի համար՝ Ալեն Սիմոնյանն ասաց.

«Ես կարծում եմ, որ ՀՀ-ի հետ սպառնալիքների լեզվով խոսելը շատ սխալ տրամաբանություն է: Ես, անկեղծ, չեմ հասկանում, ես չէի պատկերացնում, որ իրոք այստեղի դեսպանատունը Ռուսաստանի, կամ իրենց վերլուծաբանները, ԱԳՆ-ն այդքան կտրված են ՀՀ իրականությունից: Այսինքն՝ ուզում եմ հասկանալ, որ իրենք ՀՀ-ի հետ սպառնալիքի լեզվով են խոսում և մտածում են, որ հայերը պետք է մտածեն, որ այդ պարագայում իրենք ադրբեջանցիների միջոցով մեր վրա հարձակում կգործեն, մենք դա սենց թե նենց տեսել ենք: ՀԱՊԿ-ի մեջ եղել ենք, ՀԱՊԿ-ի մեջ լինելով հանդերձ՝ այլ երկրի միջոցով ՀՀ-ի վրա հարձակումների ականատես եղանք, և տպավորություն արեցին, որ որևիցե բան չի կատարվում»: