A
A
Գեւորգ Հարությունյանը պարտվեց
Հայաստանի գրոսմայստեր Գեւորգ Հարությունյանին չհաջողվեց մրցանակային տեղ զբաղեցնել Վորոնեժում ավարտված շախմատի միջազգային մրցաշարում:
Վերջին, 9-րդ տուրում, նա մրցեց իր գլխավոր մրցակիցներից մեկի` Դմիտրի Կոկարեւի հետ: Ավաղ, Գեւորգ Հարությունյանը պարտվեց եւ 3-րդ տեղից նահանջեց 12-րդ հորիզոնական: Իսկ մրցաշարի հաղթող դարձավ հենց Դմիտրի Կոկարեւը, որը վաստակեց 7 միավոր:
Մեր մյուս շախմատիստ Զավեն Անդրիասյանը ոչ-ոքի խաղաց Անդրեյ Դեւյատկինի հետ եւ 6 միավորով գրավեց 10-րդ տեղը:
Հայաստանի երկու շախմատիստուհիները ավելի համեստ արդյունք ցույց տվեցին: Լիլիթ Գալոյանը 9 հնարավորից վաստակեց 5,5 միավոր եւ մրցաշարը ավարտեց 20-րդ հորիզոնականում, իսկ Նելլի Աղինյանը 3,5-ով զբաղեցրեց 62-րդ տեղը:
