Թեհրանում սպանվել է ՀԱՄԱՍ-ի քաղբյուրոյի ղեկավար Իսմայիլ Հանիյեն

Թեհրանում սպանվել է պաղեստինյան ՀԱՄԱՍ արմատական շարժման քաղաքական բյուրոյի ղեկավար Իսմայիլ Հանիյեն։

Mehr լրատվական գործակալությունը մեջ է բերում Իսլամական հեղափոխության պահապանների կորպուսի (ԻՀՊԿ) հայտարարությունը, որում ասուվում է, որ հարվածը հասցվել է Հանիյեի տանը, նրա հետ միասին սպանվել է նաև նրա թիկնապահներից մեկը։

ԻՀՊԿ-ն հավելել է, որ հարձակման հանգամանքները հետաքննվում են, և դրա արդյունքները կհայտարարվեն ավելի ուշ։ 

ՀԱՄԱՍ-ի քաղբյուրոյի ղեկավարը Թեհրանում էր՝ Իրանի նախագահ Մասուդ Փեզեշքիանի երդմնակալության արարողությանը մասնակցելու։ 

Ավելի ուշ նշվել է, որ հրթիռը, որը Թեհրանում սպանել է պաղեստինյան արմատական ​​ՀԱՄԱՍ շարժման քաղբյուրոյի ղեկավար Իսմայիլ Հանիեին, արձակվել է օտար պետության տարածքից։

Դրա մասին հայտնել է Al Mayadeen հեռուստաալիքը՝ վկայակոչելով իրանական անանուն աղբյուրին։