Մենք գտել ենք ձևը, թե ինչպես տարբերակենք կաթից պատրաստված թթվասերը կաթից չպատրաստվածից (տեսանյութ)
Աջակցիր «Ա1+»-ինԳտել ենք ձևը՝ ինչպես տարբերակել կաթից պատրաստված թթվասերը կաթից չպատրաստված թթվասերից։ Այս մասին Կառավարության նիստում հայտարարել է Նիկոլ Փաշինյանը՝ համապատասխան օրենքի նախագծի քննարկման ժամանակ։
«Միայն թթվասերին չի վերաբերում, կաթնամթերքի մասին է խոսքը։ Ո՞րն է պրոբլեմը։ Մենք գիտենք, որ գնում ենք խանութ և ձեռք ենք բերում ապրանք, որի վրա գրված է թթվասեր։ Պարզվել է, որ թթվասեր մակնշմամբ որոշ ապրանքների մեջ կաթը կամ շատ քիչ է, կամ շատ խառնուրդներ են օգտագործվում։ Մենք չենք ասում, որ դրանք վտանգավոր են, բայց ասում ենք՝ եթե գրած է թթվասեր, պետք է որոշենք՝ թթվասերն ինչ է, եթե կարելի է ոչ կաթից պատրաստված ապրանքի վրա գրել թթվասեր, ապա հաջորդ պահին կարող ենք գալ եզրակացության, որ մսից էլ կարող ենք պատրաստել և գրել թթվասեր։
Եկել ենք եզրակացության, որ այն կաթնամթերքը, որի մեջ օգտագործված է իր տեխնոլոգիային համապատասխան կաթնամթերք, դրա վրա պետք է լինեն տեսանելի գունանշումներ, որ սա կաթից է պատրաստված, այն մյուս թթվասերը պետք է լինի ուրիշ գույնով։ Տարբեր դարակաշարերում պետք է դրված լինեն։ Սա խնդիր է, որ պետք է մոնիտորինգ անենք, տեսնենք՝ ինչպես է կիրառվում»,- ասել է Փաշինյանը։
