A
A
Ֆինլանդիայում կաշառել են դարպասապահին
Ֆինլանդիայի ֆուտբոլի առաջնության մասնակից «Մարիեխամն» ակումբի ներկայացուցիչները պաշտոնապես հայտարարել են, որ թիմի դարպասապահ Ուիլիս Օչիենգան 50 հազար եվրո կաշառք է ստացել` երկու հանդիպումներ հանձնելու համար: Խոսքը վերաբերում է անցած տարի կայացած «Մյուպա» - «Մարիեխամն» եւ «Հակա» - «Մարիեխամն» խաղերին, որոնք ավարտվել էին դաշտի տերերի հաղթանակներով` 2:1:
Ակումբի ղեկավարությունը այդ փաստը անմիջականորեն կապում է Ֆինլանդիայում բնակվող սինգապուրցի գաղթականների հետ, որոնք երեկ դատարանի կողմից մեղադրվել են ֆուտբոլիստներին կաշառելու եւ պայմանավորված հանդիպումներ կազմակերպելու մեջ:
Ի դեպ, խաղերից առաջ կաշառքներ վերցնելու մեջ բռնվել են նաեւ ֆիննական թիմերում հանդես եկող երկու զամբիացի ֆուտբոլիստներ, որոնց անունները առայժմ գաղտնի են պահվում:
