Բացել լրահոսը Փակել լրահոսը
A A
Տեսանյութեր Մշակույթ

Երբեք չփորձել մասնատել Հայաստանը․ այսօր Չարենցի 127-ամյակն է (տեսանյութ)

Եղիշե Չարենցի կյանքը հագեցած էր իրադարձություններով, թռիչքներով ու վայրէջքներով։ Իր ապրած կյանքի, իր ստեղծած արժեքավոր գրական ժառանգության համար բանաստեղծը հետմահու էլ արժանանում է խոնարհման և ծափերի։

Մարտի 13-ին՝ Եղիշե Չարենցի ծննդյան 127-ամյակին նվիրված միջոցառում էին կազմակերպել  Հայաստանի գրողների միությունը, Չարենցի տուն-թանգարանն ու Չարենցի անվան դպրոցը։

Թանգարանի տնօրեն Ժաննա Մանուկյանը նշեց, որ Չարենցի հուշակոթողը հանրության համար բաց այլընտրանքային թանգարան է, որը կարող է մտորելու տեղիք տալ։ Եղիշե Չարենցի տուն-թանգարանի ավագ գիտաշխատող, Չարենցի թոռնուհի Գոհար Չարենցը նշեց, որ բանաստեղծի թոռնուհին լինելը մեծ հպարտություն է, միաժամանակ՝ պատասխանատվություն։ Չարենցը իր իմացած ամենալուսավոր մարդկանցից է՝ թե՛ էությամբ, թե՛ պոեզիայով։

Գրականագետ, չարենցագետ Դավիթ Գասպարյանը շնորհավորեց Եղիշե Չարենցի ծնունդը և նշեց, որ բանաստեղծին պետք է միշտ անդրադառնալ, քանի որ գործ ունենք մի բացառիկ հանճարի, համաշխարհային նշանակության մեծ գրողի հետ։ Դեպի Չարենց են գալիս բոլոր ստեղծագործական ճամփաները։ 

Հայաստանի գրողների միության քարտուղար Նորեկ Գասպարյանն էլ հորդորեց հիշել Չարենցի պատգամները և երբեք չփորձել մասնատել Հայաստանը։