A
A
Մեկնարկեց կիսաեզրափակիչ փուլը
Կազանում շարունակվում է շախմատի աշխարհի չեմպիոնի կոչման հավակնորդների մրցաշարը: Այսօր տեղի կունենան կիսաեզրափակիչ փուլի երկրորդ պարտիաները:
Ռուսաստանցի Վլադիմիր Կրամնիկը սպիտակներով կհանդիպի մեր գրոսմայստեր Լեւոն Արոնյանին պայքարից դուրս բերած Ալեքսանդր Գրիշչուկի (Ռուսաստան) հետ: Նրանց առաջին պարտիան արդեն 16-րդ քայլին ավարտվեց գրոսմայստերական ոչ-ոքիով:
Երկրորդ մրցամարտում իսրայելցի Բորիս Գելֆանդը կմրցի Գատա Կամսկու (ԱՄՆ) հետ: Նրանց առաջին պարտիան չնայած անցավ ավելի լարված պայքարում, սակայն 36-րդ քայլին նույնպես ոչ-ոքի ավարտվեց:
