Բացել լրահոսը Փակել լրահոսը
A A
Պաշտոնական

Հեղուկ գազով բեռնված կցորդիչով բեռնատարը մոտ 10 մ գլորվել ձորը

ՃՏՊ Այրում գյուղի մոտակայքում․ կա տուժած
 
Դեկտեմբերի 2-ին, ժամը 12։21-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այրում գյուղի ավտոճանապարհին բեռնատար ավտոմեքենան դուրս է եկել երթևեկելի գոտուց և ընկել ձորը։
 
🚒Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
 
Պարզվել է, որ Այրում գյուղի մոտակայքում «Volvo» մակնիշի հեղուկ գազով բեռնված կցորդիչով բեռնատարը (Գ․ Ա․, ծնված 1969 թ․) դուրս է եկել ճանապարհի երթևեկելի գոտուց և մոտ 10 մ գլորվել ձորը․ կա մեկ տուժած։
Մինչ փրկարարների կանչի վայր հասնելը՝ Գ․ Ա․-ն դուրս է բերվել ավտոմեքենայից տեղի ուժերով։
Փրկարարները Գ․ Ա․-ին պատգարակով մոտեցրել են շտապօգնության ավտոմեքենային․ տուժածը հոսպիտալացվել է բժշկական կենտրոն, որտեղ նրա առողջական վիճակը գնահատվել է միջին ծանրության։
Փրկարարները սահմանազատել են տարածքը և հոսանքազրկել բեռնատարը։