Հայաստանի պատանի շախմատիստները հետապնդում են առաջատարներին. շախմատի ԱԱ

Եգիպտոսի Շարմ Էլ Շեյխ քաղաքում ընթացող 2023 թվականի շախմատի աշխարհի 8-12 տարեկան պատանիների և աղջիկների առաջնությունում 11 տուրից արդեն կայացել են 4-ը:

Հայաստանի 12 մասնակիցներից համեմատաբար հաջող է մեկնարկել Մ-8 տղաների մրցաշարում հանդես եկող Դավիթ Մելքոնյանը, որը վաստակել է 3 միավոր և բաժանում է 6-24-րդ տեղերը: Դավիթ Ստեփանյանը (Մ-10 տղաներ), Վաչե Քոչարյանը (Մ-12 տղաներ) և Անի Նահապետյանը (Մ-12 աղջիկներ) իրենց ակտիվում ունեն 2,5-ական միավոր և նույնպես գտնվում են առաջատարներին հետապնդողների խմբում:

Այսօր կկայանան 5-րդ տուրի պարտիաները: Դավիթ Մելքոնյանը սևերով կհանդիպի իսպանացի Պաբլո Լարա Գուիրադոյի հետ: